Chief Chidị Anyaegbu(Chisco)

A mụrụ Chidị Anyaegbu n’ụbọchị taa, n’afọ 1956. Ọ gara akwụkwọ na St. Andrews nke dị n’obodo ya bụ Amichi, Anambra Steeti. Ka obere oge gachara ọ gụchara akwụkwọ, o so nna ya ukwu gawa Legọs maka ịmụ ahịa ihe ọgbatumtum.

Ọ malitere nke a bido n’afọ 1974 ruo afọ 1977. N’otu afọ 1977 a ka ọ malitere ahịa nke aka ya site n’otu narị naịra na iri abụọ na 28 Denton Street, Ebute Metta, Legọs. Maka e mere elu, e mere ala, onye ọ bụla ga-aza aha ya.

Otu ụbọchị o so enyi ya gaa “Wharf” nke dị na Apapa ị gbapụta ahịa. N’ebe a ka ọ nọ zute otu nwoke nyere ya ahịa ka ọ ree. Ụmụ ibe, ọ kwa otu a ka ndụ Chisco si gbanwee. Ọ bụ uru pụtara n’ahịa ahụ ka o ji wee banye maa bụrụ onye ahịa ndị “Leventis Motor Spare Parts” ejighị egwuri egwu.

O si ebe a wee mepe ụlọọrụ nke na-ebugharị ụmụ mmadụ tinyere ibu ha. Ọzọkwa, ọ malitere akwụkwọ mgbede nke ndị Legọs Steeti hibere n’oge ahụ. Mana nke a emeghị ka uche ya pụọ n’ahịa ya ma ọlị.

Mana oge ọ malitere gụwa maka ịbụ ọkaikpe, ka o ji ire ya gụọ eze ya ọnụ, maka mmadụ anaghị a mụ akaekpe na nka. Ọ chezịrị ihu n’ahịa ya. Ọ mechara gaa akwụkwọ n’ihe gbasara “Entrepreneurship” na mba France, America, Germany na United Kingdom.

A makwa Chisco dịka onye na-agbasapụ aka, maka ọ rụrụ ụzọ, ụlọakwụkwọ, ụlọọgwụ n’obodo ya. Maka akụ ruo ụlọ bụ okwu maa bụrụkwa ụzọ ndị Igbo.