Sir Kevin Chukwumobi(APAMS)

Ekwe a na-akụrụ nwoke bụ maka ihe ọ mere na ndụ ya. A mụrụ Kevin n’afọ 1970. Ọ bụ onye Ukpọr nke dị na Nnewi South L. G. A, Anambra Steeti.

Ọ gara akwụkwọ Sekọndịrị na Immaculate Conception Seminary dị n’Ụmụahịa. Ebe a ka o si gaa Fed. Poly Oko, wee gụọ Mass Communication.

Sir Kevin banyere ahịa ọgwụ ka ọ gụchara akwụkwọ. Ọ gụrụ ahịa ya APAMS, nke pụtara Amuche Pharmaceuticals and Medical Services. Ka ọ gara Don’s Funeral Home na mba Amerịka ka o nwere mmasị ị banye ahịa ili ozu, ma kwanyere ya ugwu kwesịrị.

N’agbanyeghị ụfọdụ ọdachi ọ gabigara, o jisiri ike gbado anya ma mee APAMS FUNERAL SERVICES ihe ọ bụ taa. Nke a pụtara na o nweghị ụdịrị ihe ha ejighị ebu ozu taa.

Site n’ọgbatumtum na ụgbọala dị ọnụ, ịnyịnya, ruo ụgbọelu(helicopter), ha na-eji ha niile dum. N’ezie, APAMS enweghị oyiri. Ha malite ihe, ndị ọzọ a na-esonye.

N’ihi nke a ha bụ ndị hụrụ maka ozu ndị a:

1. Dim Chukwuemeka Ojukwu
2. Prof. Dora Akụnyịlị
3. Senator Chukwumerije
4. Chinua Achebe, wdg.

Ọ bụkwaghị naanị sọ ndị nnukwu mmadụ ka Sir Kevin na-eli ozu ha. Ụfọdụ oge, ọ na-enyekwa aka eli ndị enweghị ka ọ haa ha. Sir Kevin enwetakwala onyinye kwanyere ugwu ole na ole, maka mbọ ya n’elu ụwa a. Ọ lụọla nwaanyị, maa mụta ụmụ.

Ekpere anyị bụ dị ka ọ na-echeta ụbọchị ọmụmụ ya taa, ka ogologo ndụ na ahụike bara ya ụba. Ya gazie.